الماتى قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتىندا اكىمشىلىك قۇقىق بۇزۋشىلىق جاساعان داۋلەت تۇرلىحانوۆتىڭ ۇلى نۇراسىل بولاتقا قاتىستى اكىمشىلىك ءىس قارالدى.
“وعان اسكەري ءبولىم باستىعىنىڭ بەلگىلەنگەن تارتىپپەن بەرىلگەن بۇيرىعىن ورىنداۋدان اشىق باس تارتتى دەگەن ايىپ تاعىلدى. سوت انىقتاعانداي، 2 شىلدەدە اسكەري ءبولىمنىڭ قاتارداعى سارباز الماتى گارنيزونى گاۋپتۆاحتاسىنان شىققاننان كەيىن كومانديردىڭ بۇيرىعىنا سايكەس ءوزىنىڭ اسكەري بولىمىنە ءوتبارۋعا مىندەتتەلدى"، - دەپ حابارلادى الماتى سوتىنىڭ باسپا ءسوز قىزمەتى.
سوت مالىمەتىنشە، سارباز بولىمشە كومانديرىنىڭ بۇيرىعىن ورىنداۋدان باس تارتىپ، اسكەري پوليسيا باسقارماسىنىڭ عيماراتىنا كەلگەن اۆتوكولىكپەن بەلگىسىز باعىتقا كەتىپ قالعان.
"سوت قاۋلىسىمەن قاتارداعى جاۋىنگەر اقبتك-نىڭ 652-بابىنىڭ 6 بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، 15 تاۋلىككە اكىمشىلىك قاماققا الۋ تۇرىندەگى اكىمشىلىك جازاعا تارتىلدى. سوت قاۋلىسى زاڭدى كۇشىنە ەنگەن جوق"، - دەلىنگەن حابارلامادا.
پىكىر قالدىرۋ