ەل ىشىندەگى ءدىني تۇيتكىلدەردىڭ بەل ورتاسىندا جۇرگەن 75 مامان بۇگىن نۇر-مۇباراك ۋنيۆەرسيتەتىندە ءبىر ايلىق كۋرستى ءتامامدادى. قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ءدىن ىستەرى كوميتەتىمەن بيىل 4ء-شى جىل قاتارىنان وتكىزگەن «يسلامدىق باعىتتاعى دەسترۋكتيۆتى جانە راديكالدى ءدىني يدەولوگيانى ۇستانۋشىلاردى راديكالدى كوزقاراستان ارىلتۋ جانە وڭالتۋ سالاسىنداعى مامانداردىڭ بىلىكتىلىگىن ارتتىرۋ» كۋرسىندا ەلدەگى ءدىني سالاعا قاتىستى تەولوگ، يسلامتانۋشى، ءدىنتانۋشى، يمامدار ءبىلىمىن جەتىلدىردى. اي بويى 140 اكادەميالىق ساعاتقا نەگىزدەلگەن 15 پاننەن ءوز سالاسىندا بىلىكتى ءارى جەتەكشى ماماندار، ياعني نۇر-مۇباراك ەيمۋ، گۋميليەۆ اتىنداعى ەۇۋ، قمدب، ق ر ۇقك اكادەمياسىنىڭ تاجىريبەلى ماماندارى ءدارىس بەرەدى.

كۋرستىڭ جابىلۋ سالتاناتىندا پرورەكتور PhD دوكتور قايرات قۇرمانابيەۆ: مەملەكەت – بارشامىزدىڭ ورتاق ءۇيىمىز. ەل مەن جەر تۇتاستىعى، ءدىن تۇراقتىلىعى، بەيبىت قوعام قالىپتاستىرۋدا، ءتىپتى ول تەولوگ بولماسا دا قازاقستاننىڭ ءار ازاماتىنىڭ مىندەتى. بولاشاق ءۇشىن جانە ءقاۋىپسىز قوعامدا ءومىر سۇرۋگە مۇددەلىمىز. قازىرگى جاھاندىق كەزەڭدە سىن-قاتەرلەر از ەمەس، ۋاقىت وتكەن سايىن جاڭادان بوي كوتەرىپ وتىرۋى زاڭدى. سوندىقتان بىزگە مىندەت جۇكتەلگەندىكتەن، ءدىني تۇراقتىلىققا تىكەلەي جاۋاپتىمىز. وسى ماقساتتا 4 جىلدان بەرى كۋرس ۇيىمداستىرىپ كەلە جاتقان ق ر اقدم ءدىن ىستەر كوميتەتىنە، وسى جوبادا قىزمەت ەتىپ جاتقان ءاربىر مامانعا العىسىمىزدى بىلدىرەمىز،-دەدى. سونداي-اق قازىرگى كەزەڭ ۇنەمى ىزدەنىس پەن جەتىلدىرۋدى تالاپ ەتەتىنىن ايتا كەلە قاتىسۋشىلارعا الداعى ۋاقىتتا دا ءتۇرلى ءبىلىم جەتىلدىرۋ، بىلىكتىلىكتى ارتتىرۋ كۋرستارىنان قول ۇزبەۋگە كەڭەس بەردى.

ال جوبا جەتەكشىسى پەد.ع.ك.، ق.پروفەسسور سۇلۋ يسابايەۆا بيىلعى كۋرستىڭ ەرەكشەلىگى بارىنا توقتالدى. الدىڭعى 3 جىل ۋاقىتتاعى ءدارىس الۋشىلاردىڭ سىن-پىكىرلەرى ەسكەرىلىپ، دارىستەر جاڭارتىلىپ وتىرعانىن اتاپ ءوتتى. ەلىمىزدىڭ تۇكپىر-تۇكپىرىنەن كەلگەن ماماندار كۋرستىڭ سوڭعى سالتاناتىندا ءوز تاجىريبەلەرىندەگى كورىنىستەردەن ۆيدەوروليك جاساپ ءارى ارنايى قويىلىم ۇسىندى. كۇمبىرلەگەن دومبىرامەن كۇي شەرتىپ، كوپشىلىككە مەرەكەلىك كوڭىل-كۇي سىيلادى. سالتانات سوڭىندا پرورەكتور ق.قۇرمانابيەۆ سەرتيفيكات تابىستاپ، ەستەلىك سۋرەتتەرگە ءتۇستى. كۋرس قاتىسۋشىلارى دا ءوز ريزالىقتارىن جاۋدىرىپ، گۇل شوقتارىن ۇسىنىپ، باتالارىن بەردى.

نۇر-مۇباراك ۋنيۆەرسيتەتىنىڭ باسپا ءسوز قىزمەتى