استانا قالاسىنىڭ اكىمى جەڭىس قاسىمبەك ەلوردانىڭ 25 جىلدىعى اياسىندا وتەتىن باۋىرلاس قالالار مەرلەرى فورۋمىنا كەلگەن رابات قالاسى مەن نۋسانتارا ۇلتتىق استانالىق باسقارماسىنىڭ باسشىسىمەن كەزدەسۋ وتكىزدى.

«كەزدەسۋ بارىسىندا مادەنيەت، ەكونوميكا، ساۋدا، تۋريزم جانە ت.ب. سالالارداعى ىنتىماقتاستىق ماسەلەلەرىن تالقىلاپ، تاجىريبەلەرىمىزبەن بولىستىك.

استانادا وتەتىن فورۋمعا 17 قالانىڭ (10-نان استام مەملەكەت) مەرلەرى مەن ۆيسە-مەرلەرى قاتىسادى دەپ كۇتىلىپ وتىر.  رابات قالاسىنىڭ (ماروككو كورولدىگى) مەرى اسماا رحلالۋمەن استانالار اراسىندا باۋىرلاستىق قاتىناس ورناتۋ تۋرالى مەموراندۋمعا قول قويدىق. سونىمەن قاتار نۋسانتارا ۇلتتىق استانالىق باسقارماسىنىڭ (يندونەزيا رەسپۋبليكاسى) باسشىسى بامبانگ سۋسانتونومەن بىرلەسە ءبىزدىڭ قالامىز بەن نۋسانتارا استانالىق باسقارماسى اراسىندا ءوزارا ىنتىماقتاستىق تۋرالى مەموراندۋمعا قول قويدىق. كەزدەسۋ بارىسىندا مادەنيەت، ەكونوميكا، ساۋدا، تۋريزم جانە ت.ب. سالالارداعى ىنتىماقتاستىق ماسەلەلەرىن تالقىلاپ، تاجىريبەلەرىمىزبەن بولىستىك،-دەپ جازدى قالا اكىمى ءوزىنىڭ الەۋمەتتىك پاراقشاسىندا.