شىمكەنت قالاسىنىڭ مامانداندىرىلعان اۋدانارالىق سوتىندا قالانىڭ بۇرىنعى پروكۋرورى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ بۇرىنعى ورىنباسارى ماقسات قوجابايەۆتىڭ سوتى باستالدى.
ول الاياقتىق جاسادى دەپ ايىپتالعان.
"قوجابايەۆ 2021 جىلى 5 جەلتوقسان مەن 2022 جىلى 29 قاڭتار ارالىعىندا ءوزىنىڭ قىزمەتىن پايدالانا وتىرىپ، بوتەننىڭ مۇلكىن ۇرلاۋ، الدىن الا ءسوز بايلاسۋ بويىنشا ادامدار توبىمەن اسا ءىرى مولشەردە اقشا جىمقىردى"، – دەلىنگەن ايىپتاۋ اكتىسىندە.
ەسكە سالا كەتەيىك، ماقسات قوجابايەۆتى ۇقك قىزمەتكەرلەرى سىبايلاس جەمقورلىق قۇقىقبۇزۋشىلىق جاسادى دەگەن كۇدىك بويىنشا سوتقا دەيىنگى تەرگەۋ شەڭبەرىندە 9 قاڭتاردا ۇستاعان بولاتىن. ءبىراق ول كەزدە ونىڭ قانداي قۇقىقبۇزۋشىلىق ەكەنى ايتىلماعان ەدى.
پىكىر قالدىرۋ