الماتىلىقتار قالا اكىمى ەربولات دوسايەۆتى جۇمىستان شىعارۋدى تالاپ ەتىپ پەتيسيا جاريالادى. ولاردىڭ ايتۋىنشا، دوسايەۆ اكىم بولعالى ماسەلە كوبەيە تۇسكەن.
"قۇرىلىسقا تىيىم سالىنعان جەرلەردە بىتپەيتىن قۇرىلىستار، بۇكىل قالا بويىنشا بورديۋرلار وزگەرتىلە بەرەدى جانە جوندەۋدى قاجەت ەتپەيتىن جولداردى جوندەيدى. قالا تۇرعىندارى ونىڭ بريفينگتە تۇرعىندارمەن سويلەسۋىن ۇناتپايدى"، – دەلىنگەن پەتيسيادا.
پەتيسيا اۆتورلارى قالا باسشىسىنىڭ اۋىسۋىن تالاپ ەتكەن.
"جاقىندا سەيفۋللين كوشەسىندەگى كوپىردىڭ ساپالى تاس قابىرعالارى الىنىپ تاستالدى جانە قىتايلىق پليتكالارىنا اۋىستىرىلدى. مۇنىڭ ءبارى بيۋدجەتتەن مۇمكىندىگىنشە كوپ اقشا الۋ ءۇشىن جاسالاتىن ءتارىزدى. وسى پەتيسياعا قول قويعان ازاماتتاردىڭ اتىنان قازاقستان رەسپۋبليكاسىنىڭ پرەزيدەنتىنەن الماتى قالاسىنىڭ اكىمى ەربولات دوسايەۆتى وتستاۆكاعا جىبەرۋدى سۇرايمىز"، – دەلىنگەن قۇجاتتا.
6 شىلدەدە شىققان پەتيسياعا 90 ادام قول قويعان.
پىكىر قالدىرۋ