رەسەيدە قاماۋدا وتىرعان الەكسەي ناۆالنىيعا ءپۋتيننىڭ ءبىر جولداۋىن 100 كۇن تىڭداتقان. بۇل تۋرالى بەلسەندىنىڭ Instagram جەلىسىندەگى پاراقشاسىندا حابارلاندى. 

"ءپۋتيننىڭ 21.02.2023 جىلعى جولداۋىن تىڭداپ جۇرگەنىمە 100 كۇن بولدى. باسشىلىققا "دەندەرىڭ ساۋ ما؟ ەڭ بولماسا ءارتۇرلى جولداۋىن بەرسەڭدەرشى. ءپۋتيننىڭ جولداۋى از با؟!" دەدىم. جاۋابى اقىلعا قونىمسىز بولدى. سەبەبى بۇل بيىلعى جولداۋ بولعاندىقتان ونى جىل بويى تىڭداۋ قاجەت. ال كەلەسى جولداۋى الداعى جىلى شىعادى ەكەن"، دەلىنگەن جەلىدەگى پاراقشاسىندا. 

ناۆالنىي جەكە ۋاقىتىن نە ءۇشىن راديو تىڭداۋعا ەمەس، پۋتينگە ارناۋ كەرەگىن سۇراپ، سوتقا ارىزدانعان. ال سوت ونىڭ شاعىمىنا "بۇل تاربيە جۇمىسىنىڭ ءادىس-تاسىلى"، دەپ جاۋاپ بەرگەن. 

ەسكە سالساق، الەكسەي ناۆالنىي الاياقتىق جاسادى دەگەن ايىپپەن 9 جىلعا باس بوستاندىعىنان ايىرىلدى. ونى قاتاڭ رەجيمدەگى كالونياعا جاتقىزعان.