استاناداعى ساۋدا ورتالىعىنداعى بەيبىت شۇمەنوۆ پەن قىرعىزستاندىق ازامات اراسىنداعى جانجالعا قاتىستى قىرعىزستان سىرتقى ىستەر مينيسترلىگى پىكىر ءبىلدىردى.
حابارلاماعا سايكەس قىرعىزستاننىڭ سىرتقى ىستەر مينيسترلىگى بۇل ءىستى ءوز باقىلاۋىنا العان.
"13 شىلدەدە جابىرلەنۋشى ك.ا قازاقستانداعى قىرعىز رەسپۋبليكاسىنىڭ ەلشىلىگىنە شاقىرىلدى. ول ەلشى د.ديۋشەكەيەۆپەن كەزدەسىپ، قىرعىزستاندىققا قاجەت كەڭەس بەرىلىپ، قۇقىقتىق كومەك كورسەتىلدى. بۇگىنگى تاڭدا وسى وقيعا بويىنشا قازاقستان رەسپۋبليكاسىنىڭ قۇقىق قورعاۋ ورگاندارى بارلىق قاجەت پروسەستىك شارانى جۇرگىزىپ جاتىر. ءىس مينيسترلىكتىڭ باقىلاۋىندا"، - دەلىنگەن ءسىم حابارلاماسىندا.
پىكىر قالدىرۋ