تاۋەلسىز باقىلاۋشىلار ۇيىمىنىڭ باسشىسى، قوعام بەلسەندىسى بەسجان تولەۋبەك ۇلى 15 تاۋلىككە قاماۋعا الىندى. 

سۋديا رۋسلان جامالبەك بەلسەندىنى اكىمشىلىك كودەكستىڭ 488 بابى، 7 تارماعى "بەيبىت جيىن وتكىزۋ ءتارتىبىن بۇزۋ"  بابى بويىنشا  كىنالى دەپ تاپقان.

ەسكە سالا كەتەيىك، بەسجان تولەۋبەكۇلىن جامبىل وبلىستىق سوتىنداعى قاڭتارشىلاردىڭ اپەللياسيا پروسەسىنەن الماتىعا ورالا سالىسىمەن ۇيىنە كىرەبەرىستە پوليسەيلەر ۇستاپ اكەتكەن. وعان 11 شىلدە كۇنى اۋەجايدى باسىپ الۋ ءىسى قارالعان ناۋرىزباي اۋداندىق سوتى عيماراتى الدىندا "سانكسيالانباعان نارازىلىق اكسياسىنا قاتىسىپ، "حالىق تەرروريست ەمەس!" دەگەن پلاكات ۇستاعان توپ الدىندا ميكروفونمەن سويلەپ، الماتى تۇرعىندارىن بەينە ۇندەۋ ارقىلى زاڭسىز ميتينگكە شاقىردى. پروكۋراتۋرا مەن اكىمدىك وكىلدەرىنىڭ ەسكەرتۋىنە قۇلاق اسپاي ءوز ارەكەتىن جالعاستىردى. جيىنعا قاتىسىپ، بەلسەندى بولدى"  دەگەن ايىپ تاعىلعان.