بۇگىن ءىىم ديكيي ارمان قۇرعان قىلمىستىق توپتىڭ 80-نەن استام مۇشەسى ۇستالعانىن مالىمدەگەن بولاتىن. ولاردىڭ قاتارىندا بەلگىلى ايتىسكەر اقىن اينۇر تۇرسىنبايەۆانىڭ كۇيەۋى نۇرجان يمانالييەۆ تە بار. بۇل تۋرالى Ulysmedia.kz حابارلادى.
ۆەدومستۆو ديكيي ارماننىڭ قىلمىستىق توبىنىڭ وزگە مۇشەلەرىمەن بىرگە ونىڭ نويس لاقاپ اتىمەن تانىلعان وڭ قولى دا ۇستالعانىن ايتقان بولاتىن. ب ا ق نۇرجان يمانالييەۆتىڭ بەلگىلى اقىن، بلوگەر اينۇر تۇرسىنبايەۆانىڭ كۇيەۋى ەكەنىن جارىسا جازىپ جاتىر. ول حالىقارالىق ىزدەۋدە بولعان دەگەن مالىمەت تە تارادى.
ەسكە سالا كەتەيىك، "ديكيي ارمان" لاقاپ اتىمەن تانىمال ارمان جۇماگەلدييەۆ بىلتىر 7 قاڭتاردا ۇستالعان بولاتىن. ول "قاڭتار كەزىندەگى تارتىپسىزدىكتەرگە قاتىسى بار" دەپ ايىپتالعان.
كەيىن ق ر باس پروكۋراتۋراسى "ديكيي ارماننىڭ" ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن مالىمدەدى. سودان بەرى ونى قاماۋدا ۇستاۋ مەرزىمى توقتاۋسىز ۇزارتىلىپ كەلەدى.
پىكىر قالدىرۋ