استانا قالالىق سوتىندا قاڭتار وقيعاسىنان كەيىن ق ر ىىم-نەن رەسمي تۇردە كەشىرىم سۇراۋدى تالاپ ەتكەن قىرعىزستاندىق مۋزىكانت ۆيكرام رۋزاحۋنوۆتىڭ اپەللياسيالىق شاعىمى قارالدى.
سوت ەشبىر زاڭدا كوپشىلىك الدىندا كەشىرىم سۇراۋدى تالاپ ەتۋ جوق ەكەنىن مالىمدەدى.
"ار-نامىستى، قادىر-قاسيەتتى جانە ىسكەرلىك بەدەلدى سوت ارقىلى قورعاۋ كەزىندە كەشىرىم سۇراۋعا ماجبۇرلەۋ قاراستىرىلماعان. ەشكىم ءماجبۇرلى تۇردە ءوز پىكىرى مەن سەنىمىن بىلدىرە نەمەسە ولاردان باس تارتا المايدى. تيىسىنشە سوت ەشكىمدى كەشىرىم سۇراۋعا مىندەتتەۋگە قۇقىلى ەمەس. تالاپكەر مالىمدەگەن باسقا تالاپتار بويىنشا سوت جەكە شەشىم شىعاردى"، - دەپ حابارلادى سوت.
ەسكە سالا كەتەيىك، بۇعان دەيىن استانا قالاسىنىڭ الماتى اۋداندىق سوتى قىرعىزستاندىق مۋزىكانت ۆيكرام رۋزاحۋنوۆتىڭ قازاقستان ءىىم اتىنا بەرگەن ار-نامىسىن، قادىر-قاسيەتىن جانە ىسكەرلىك بەدەلىن قورعاۋ تۋرالى ارىزىن قاناعاتتاندىرۋدان باس تارتقان.
ءانشىنىڭ قورعاۋشىلارى ق ر ىىم-نەن رۋزاحۋنوۆتىڭ الماتىلىق پوليسەيلەر قىسىمىمەن "قازاقستانعا 2022 جىلعى قاڭتارداعى تارتىپسىزدىكتەرگە قاتىسۋ ءۇشىن كەلگەنى" تۋرالى جاۋاپ بەرگەنىن العا تارتقان ەدى. سونىمەن قاتار، ولار بۇل ايعاقتاردى جالعان دەپ تانۋدى جانە مۋزىكانتتان كوپشىلىك الدىندا كەشىرىم سۇراۋدى تالاپ ەتكەن بولاتىن.
