قالاداعى اپتاپ ىستىققا بايلانىستى توتەنشە جاعدايلار دەپارتامەنتى قالا تۇرعىندارىنا ەسكەرتۋ جاسادى. الماتى قالاسىندا ەرتەڭ 42 گرادۋس ىستىق بولادى. وسىعان بايلانىستى قالالىق توتەنشە جاعدايلار دەپارتامەنتى ءورت قاۋىپسىزدىگىن ساقتاپ، الماتىلىقتاردى كوشەگە شىقپاۋعا ۇندەدى.
سونداي-اق ۆەدومستۆو وكىلدەرى تومەندەگى قاۋىپسىزدىك شارالارىن ساقتاۋدى ۇسىنادى:
- تاۋعا دەمالۋعا بارعان جاعدايدا تۇتانعان تەمەكى قالدىقتارىن تاستاماڭىز؛
- ءبىر جەلىگە بىرنەشە ەلەكتر قۇرىلعى قوسپاڭىز، ويتكەنى ەلەكتر جەلىسىنىڭ شامادان تىس جۇكتەلۋى قىسقا تۇيىقتالۋعا جانە ورتكە اكەلۋى مۇمكىن.
- بالالاردى اۆتوكولىك ىشىنە از ۋاقىتقا بولسا دا قالدىرماڭىز. قاتتى ىستىقتان بالا ەسىنەن تانىپ قالۋى مۇمكىن.
قالا تۇرعىندارى مەن قوناقتارىن كۇن ساۋلەسiنiڭ اسەرiنەن ساقتانۋ ءۇشiن سەرۋەنگە شىقپاۋعا شاقىرامىز.
ءورت ءقاۋىپتى كەزەڭدە الماتى قالاسى تجد الدىن الۋ شارالارىن كۇشەيتتى. تاۋلى ورماندى جەرلەردە ءورتتىڭ الدىن الۋ ماقساتىندا بەكىتىلگەن پاترۋلدەۋ كەستەسىنە سايكەس دەمالىس جانە مەرەكە كۇندەرى ورمان شارۋاشىلىعى مەكەمەلەرى مەن جەرگىلىكتى پوليسيا وكىلدەرى بىرلەسكەن رەيد وتكىزەدى»،- دەپ اتاپ ءوتتى دەپارتامەنتتەن.
پىكىر قالدىرۋ