تانىمال ءانشى تورەعالي ءتورالىنىڭ بوستاندىققا شىققانى حابارلاندى. بۇل تۋرالى ءانشىنىڭ ادۆوكاتى ەلنۋرا كىشكەنەبايەۆا ءوزىنىڭ الەۋمەتتىك جەلىدەگى پاراقشاسىندا جازدى.
"تورەعالي ۇلدارىڭىز بوستاندىققا شىقتى. بارشا قولداپ، قورعاعان وقىرماندارعا مىڭ العىس! ءبارى جاقسى، ۋايىمداعاندارىڭىز ءۇشىن راقمەت ايتامىن!"، - دەپ جازدى ادۆوكات.
ەسكە سالساق، 14 ماۋسىمدا قازاقستاندىق ءارتىس تورەعالي تورەالى ەسىرتكى شەگىپ كولىك جۇرگىزگەنى ءۇشىن اكىمشىلىك جاۋاپقا تارتىلدى. جول ەرەجەسىن بۇزعان ءانشىنىڭ ارەكەتىنەن باسقا اۆتوكولىكتەرگە زاقىم كەلگەن. سوت قاۋلىسىمەن ول 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلدى. سونداي-اق ءانشى پوليسيانىڭ زاڭدى تالابىن ورىنداماعانى ءۇشىن ءۇش تاۋلىككە قامالدى.
پىكىر قالدىرۋ