12 جانە 14 شىلدەدە الماتى قالاسىندا ۇلتتىق قاۋىپسىزدىك كوميتەتى وتكىزگەن ءىس-شارالار ناتيجەسىندە 2 ەسىرتكى زەرتحاناسى مەن حيميالىق پرەكۋرسورلاردىڭ ءىرى قويماسى جويىلدى. بۇل تۋرالى ۇقك باسپا ءسوز قىزمەتى مالىمدەدى. 

ۆەدومستۆو وكىلدەرىنىڭ مالىمەتىنشە، 10 كەلىدەن اسا مەفەدرون، 15 تونناعا جۋىق پرەكۋرسور، 4-5 ەسىرتكى زەرتحاناسىن ىسكە قوسۋعا مۇمكىندىك بەرەتىن ارنايى قۇرالدار تاركىلەنگەن. 4 قازاقستان ازاماتى ەسىرتكى ازىرلەپ جاتقان جەرىنەن ۇستالىپ، قاماۋعا الىندى. ءقازىر سوتقا دەيىنگى تەرگەپ-تەكسەرۋ جۇرگىزىلىپ جاتىر.

ەسكە سالا كەتەيىك، ۇقك جىل باسىنان بەرى 24 ەسىرتكى زەرتحاناسىن، 20 حالىقارالىق جانە 23 ايماقتىق ەسىرتكى ارنالارىن جويىپ، 780 كەلى سينتەتيكالىق ەسىرتكى مەن 68 توننادان اسا پرەكۋرسورلاردى تاركىلەدى.