قاراعاندى وبلىسىنداعى 3 اۋىلدىق وكرۋگتە توتەنشە جاعداي جاريالانۋى مۇمكىن. شەت اۋدانىنا قاراستى تالدى، اقشوقى، اقسۋ-ايۋلى اۋىلدىق وكرۋگتەرىندە 14 شىلدەدەن باستاپ ءورت باستالعان.
"دالا جانە ورمان ورتتەرىنىڭ ورىن الۋىنا بايلانىستى جەرگىلىكتى اۋقىمداعى تابيعي سيپاتتاعى توتەنشە جاعداي جاريالانسىن. ونى جويۋ بويىنشا باسشىسى بولىپ شەت اۋدانى اكىمىنىڭ ورىنباسارى داۋرەن كارسەمبايەۆ تاعايىندالسىن جانە وسى شەشىمنەن تۋىندايتىن ءتيىستى ءىس-شارالاردى جۇرگىزۋ تاپسىرىلسىن»، - دەلىنگەن اشىق نقا پورتالىندا جاريالانعان شەت اۋدانىنىڭ اكىمى مۇحيت مۇحتاروۆتىڭ شەشىمىندە.
توتەنشە جاعداي جاريالاۋعا باعىتتالعان قۇجات ەرتەڭ، ياعني 21 شىلدەدەن باستاپ كۇشىنە ەنەدى.
پىكىر قالدىرۋ