قازاقستاندا شاحماتتان الەم چەمپيوندارىنا ءومىر بويى قارجىلاي كومەك بەرىلمەك. قازىرگى تاڭدا مۇنداي كومەك وليمپيادا، پاراليمپيادا جانە سۋردليمپيادا جەڭىمپازدارى مەن ولاردىڭ جاتتىقتىرۋشىلارىنا بەرىلەدى.
مادەنيەت جانە سپورت مينيسترلىگى مەملەكەتتەن ءومىر بويى ماتەريالدىق كومەك الۋعا قۇقىلى سپورتشىلار قاتارىن كەڭەيتۋدى جوسپارلاپ وتىر. بۇل ساناتقا شاحمات وليمپياداسىنىڭ ەرەسەكتەر اراسىنداعى كلاسسيكالىق شاحماتتان الەم چەمپيوناتىنىڭ جەڭىمپازدارى مەن ولاردىڭ جاتتىقتىرۋشىلارى قوسىلۋى مۇمكىن. بۇل تۋرالى اشىق نقا پورتالىندا جاريالانعان كونسۋلتاتيۆتىك قۇجات جوباسىنان بەلگىلى بولدى.
سونداي-اق، سپورتشىلار مەن جاتتىقتىرۋشىلارعا ءومىر بويى ماتەريالدىق كومەك الۋ ءۇشىن قويىلاتىن وزگە تالاپتارعا دا وزگەرىستەر ەنگىزۋ قاراستىرىلىپ جاتىر. ونىڭ ەڭ باستىسى – مىندەتتى ەڭبەك ءوتىلىن 20 جىلدان 10 جىلعا دەيىن تومەندەتۋ. الايدا، بۇل رەتتە تالاپكەر 10 جىل قازاقستاندا جانە دەنە شىنىقتىرۋ جانە سپورت سالاسىندا ەڭبەك ەتۋى ءتيىس.
ءومىر بويى قارجىلاي كومەك الۋ ءۇشىن چەمپيون، مىندەتتى تۇردە، قازاقستان ازاماتى بولۋى ءتيىس.
پىكىر قالدىرۋ