سكانديناۆيا ەلىندە قۇراندى بىرنەشە رەت قورلاۋ فاكتىسىنە بايلانىستى نارازىلىق ءبىلدىرۋ ءۇشىن كاتاردىڭ سىرتقى ىستەر مينيسترلىگى شۆەسيا ەلشىسىن شاقىردى.
"كاتار سىرتقى ىستەر مينيسترلىگى يسلامعا جانە قۇرانعا قارسى جالعاسىپ جاتقان تەرىس ارەكەتتەرگە بايلانىستى شۆەسيا ەلشىسىن شاقىرىپ، وعان رەسمي نارازىلىق مەموراندۋم تاپسىرىلعانىن حابارلايدى. بۇل مەموراندۋمدا شۆەسيا بيلىگىن وسى تەرىس ارەكەتتەردى توقتاتۋعا شاقىرعان ۇندەۋ دە بار"، - دەپ جازىلعان مينيسترلىك حابارلاماسىندا.
ماۋسىم ايىنىڭ سوڭىندا ستوكگولمدە قۇربان ايتتى تويلاۋ كەزىندە قۇراندى قورلاعان جانە ورتەگەن اكسيا ءوتتى. بۇل الەمنىڭ كوپتەگەن ەلىندە شۋ تۋدىردى. ءبىرقاتار يسلام مەملەكەتى شۆەسيا بيلىگىنىڭ ارەكەتىن قاتاڭ سىنعا الدى. يراكتا ەلدىڭ ەلشىلىگىندە جاپپاي نارازىلىق شەرۋلەرى ءوتتى، نارازى حالىق يمميگرانتتى جازالاۋ ءۇشىن سوتقا بەرۋدى تالاپ ەتتى.
پىكىر قالدىرۋ