بوكستان بۇرىنعى الەم چەمپيونى بەيبىت شۇمەنوۆكە ىزدەۋ جاريالاندى. بۇعان دەيىن ول ساۋدا ورتالىعىندا قولىندا بالاسى بار ەر ازاماتتى ۇرعانى ءۇشىن تەرگەۋ باستالعان بولاتىن.
قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىنداعى دەرەككە قاراعاندا، بەيبىت شۇمەنوۆكە 22 شىلدەدە ەلىمىزدىڭ ىشكى ىستەر مينيسترلىگىنىڭ باستاماسىمەن استانا قالاسىنىڭ ەسىل اۋداندىق پوليسيا باسقارماسى ىزدەۋ جاريالاعان.
ەسكە سالا كەتەيىك، 11 شىلدەدە الەمنىڭ ەكس-چەمپيونى بەيبىت شۇمەنوۆتىڭ ساۋدا ورتالىعىندا بالالى ەر ادامدى سوققىعا جىققانى تۋرالى اقپارات تارادى. 12 شىلدەدە اقپارات رەسمي تۇردە راستالعان بولاتىن.
پىكىر قالدىرۋ