قىرعىز-تاجىك شەكاراسىندا ەكى ەل تۇرعىندارى تاعى دا قاقتىعىسىپ قالدى. قىرعىزستان ءىىم اۋماقتىق بولىمشەسىنىڭ قىزمەتكەرىنە تاجىكستان ازاماتتارى شابۋىل جاساعان.
بۇل تۋرالى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى حابارلادى.
"2023 جىلدىڭ 24 شىلدەسىندە مەملەكەتتىك شەكارانىڭ قىرعىز-تاجىك ۋچاسكەسىندە شەكارالاس ايماقتاردىڭ تۇرعىندارى اراسىندا جانجال بولدى" - دەلىنگەن ۆەدومستۆو حابارلاماسىندا.
وقيعا ورنىنا قىرعىزستان ءىىم اۋماقتىق بولىمشەسىنىڭ قىزمەتكەرى جەتكەن كەزدە وعان تاجىكستان ازاماتتارى، حودجاي-االو اۋىلىنىڭ تۇرعىندارى شابۋىل جاساعان.
شيەلەنىستىڭ ورشۋىنە جول بەرمەس ءۇشىن قىرعىزستان مەن تاجىكستاننىڭ شەكارا وكىلدەرى اراسىندا كەلىسسوز جۇرگىزىلىپ جاتىر. قىرعىزستاننىڭ شەكارا قىزمەتى رەسپۋبليكا ازاماتتارىن ۇرەي مەن اشۋعا بوي الدىرماۋعا جانە بارلىق اقپاراتتى مەملەكەتتىك ورگانداردان ناقتىلاۋعا شاقىردى.
پىكىر قالدىرۋ