Sincere System Group كومپانياسىنىڭ وكىلدەرىنە قارجىلىق پيراميدا قۇرىپ، ونى باسقاردى دەگەن كۇدىكپەن ۇستالىپ، سوتقا دەيىنگى تەرگەۋ باستالدى. 

قارجىلىق مونيتورينگ اگەنتتىگىنىڭ مالىمەتىنشە، قازىرگى تاڭدا كومپانيا قىزمەتىن توقتاتىلعان. 

"S-Group كومپانياسىنىڭ وكىلدەرى سالىمشىلارعا ايىنا 6%-دان 8%-عا دەيىن نەمەسە جىلىنا 70%-دان استام جوعارى كىرىسكە ۋادە بەرگەن. دەپوزيتتىڭ ەڭ تومەنگى سوماسى $100 قۇرايدى. سونداي-اق، تاعى دا سالىمشى تارتقان جاعدايدا سومانىڭ 5 پايىزى كولەمىندە كەپىلدەندىرىلگەن كىرىس قاراستىرىلعان"، – دەلىنگەن حابارلامادا.

بۇل رەتتە كليەنتتەرگە اقشانى قابىلداۋ فاكتىسىن راستايتىن قۇجاتتار مەن كەلىسىمدەر ۇسىنىلماعان، سالىم سوماسى جەكە كابينەتتە سيفرلىق تۇردە كورسەتىلىپ، سالىنعان قاراجاتتى الۋ مۇمكىندىگى بولماعان.

قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتىگە بۇلتارتپاۋ شاراسى سانكسيالاندى.