ساراپتاما ورتالىعىنىڭ ەكس-باسشىسى، كولىكتەگى باس مەملەكەتتىك سانيتار دارىگەر ءسادۋاقاس بايعابىلوۆ پارا الدى دەگەن كۇدىككە ءىلىندى، دەپ حابارلايدى Qamshy.kz اقپارات اگەنتتىگى. بۇل اقپاراتتى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ باسپا ءسوز قىزمەتى راستادى.
"سوتقا دەيىنگى تەرگەۋ انىقتاعانداي، اسحات مانكەيەۆ قىزمەت بويىنشا اۋىسۋ ءۇشىن ءوز باستىعى – ۇلتتىق ساراپتاما ورتالىعى ءتوراعاسىنىڭ ەكس-ورىنباسارى ءسادۋاقاس بايعابىلوۆقا اقشا بەرگەن"، – دەپ اتاپ ءوتتى كوميتەتتەگىلەر.
سوتقا دەيىنگى تەرگەپ-تەكسەرۋ بارىسىندا مانكەيەۆ قىزمەت بويىنشا اۋىسۋ ماقساتىمەن ءوزىنىڭ باسشىسى بايعابىلوۆقا ("ۇلتتىق ساراپتاما ورتالىعى" شجق رمك ءتوراعاسىنىڭ بۇرىنعى ورىنباسارىنا) اقشا بەرگەنى انىقتالدى.
ول ورتالىق فيليالى ديرەكتورىن باسقا قىزمەتكە اۋىستىرۋ ءۇشىن 2،5 مىڭ دوللار پارا الدى دەگەن كۇدىككە ءىلىندى.
پىكىر قالدىرۋ