شىعىس قازاقستان وبلىسى كۇرشىم اۋدانىنا قاراستى مارالدى اۋىلىنا كەشە جاۋاپتى تۇلعالار بارىپ، تۇرعىندارمەن كەزدەسكەن. الايدا كەزدەسۋدەن حالىق كۇتكەن ناتيجە شىقپادى. وسى رەتتە مارالدىلىقتار توقايەۆقا تاعى دا ۇندەۋ جولدادى.
"فابريكاعا قارسى بولىپ نەشە اي بولدى ساندالىپ ءجۇرمىز. كەلىپ كەتكەن ۇكىمەت باسشىلارىنان بىزگە ەشقانداي پايدا جوق. سەنۋدەن دە قالدىق. جينالىستاردان دا جالىقتىق. ءبىزدى تىڭدايتىن بيلىكتەگىلەردىڭ قۇلاعى كەرەڭ بولىپ قالعان عوي دەيمىن. وبلىس اكىمىن دە شاقىردىق. كەلمەدى. ەشكىمگە كەرەگى جوق بوپ قالدىق"،- دەدى تۇرعىندار ءوز ۇندەۋىندە.
مارالدى اۋىلىنىڭ حالقى ەلدى مەكەن ىرگەسىندە التىن وندىرەتىن زاۋىت سالۋعا قارسى. ولار كاسىپورىنداردىڭ التىندى كەننەن اجىراتۋعا سيانيد قوسپاسىن قولدانۋى "ەكولوگيالىق اپاتقا اكەپ سوقتىرادى" دەيدى.
دەرەككوز: Ulysmedia
پىكىر قالدىرۋ