جىل باسىنان بەرى رەسەيدە تۇراتىن 87 مىڭ تاجىك رەسەي ازاماتتىعىن العان. بۇل بىلتىرعى كورسەتكىشپەن سالىستىرعاندا 13 مىڭ ادامعا كوپ.
Ozodi راديوسىنىڭ حابارلاۋىنشا، كۇن سايىن 500 تاجىكستاندىق رەسەي ازاماتتىعىن الادى. سوڭعى ءۇش جىلدا رف ازاماتتىعىن العىسى كەلگەن تاجىك سانى كوبەيگەن.
2020 جىلى 63 مىڭ تاجىك حالقىنىڭ وكىلى رەسەي ازاماتتاعىن السا، 2021 جىلى 103 مىڭنان استام اجام رەسەيلىك اتانعان. ال بىلتىر 173 مىڭنان استام تاجىك ۇلتىنىڭ وكىلى رەسەيدىڭ ءتولقۇجاتىنا يە بولعان.
رەسەي ءتولقۇجاتىن الۋ جاعىنان ۋكراينانىڭ ازاماتتارى ەكىنشى ورىندا تۇر. جارتى جىلدا 39 مىڭ ۋكراين حالقىنىڭ وكىلى ءتولقۇجاتىن اۋىستىرعان.
دەگەنمەن رەسەي ءىىم مالىمەتىنە قاراعاندا، شەتەلدىكتەر اراسىندا رەسەي ازاماتتىعىن الۋشىلار ازايعان. بيىل سوڭعى جارتى جىلدا 205 مىڭ شەتەلدىك رەسەي ازاماتتىعىن العان. بىلتىر بۇل كورسەتكىش 500 مىڭنان اسقان بولاتىن.
پىكىر قالدىرۋ