ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل ءىس-شارالار بارىسىندا قالا اۋماعىندا پسيحوتروپتىق زاتتار قويىپ كەتۋمەن اينالىسقان ايەلدى ۇستادى، دەپ حابارلايدى Polisia.kz.
“جۇمىسقا” شىققان اۆتولەدي پوليسەيلەردى بايقاپ، ەسىرتكى ورامىنان تەزىرەك قۇتىلۋ ءۇشىن، ونى جولدىڭ شەتىندە تۇرعان ءوز كولىگىنىڭ استىنا لاقتىرىپ جىبەرگەن. جەدەل قىزمەتكەرلەر بۋمانىڭ ىشىنەن ءبىر رەتتىك 20 دوزا “سينتەتيكا” تاپتى. ۇستالعان ايەل كولىگىنىڭ سالونىن تەكسەرۋ كەزىندە تاعى ءبىر شاعىن ورام گاشيش تاركىلەندى.
بۇعان قوسا، وڭ جاق ەدەن كىلەمشەسىنىڭ استىنان قۇپيا ورىنداردى قازۋعا ارنالعان پىشاق تابىلدى.
تەرگەۋشىلەر بۇل جايتتى قك-تىڭ 297-بابى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا تىركەدى. ونىڭ جاقىندا عانا مەديسينا سالاسىنداعى قىزمەتىنەن كەتكەندىگى بەلگىلى بولدى.
ءقازىر اتالعان جايت بويىنشا ەڭبەكشى اۋداندىق پوليسيا باسقارماسى سوتقا دەيىنگى تەرگەۋ امالدارىن جۇرگىزىپ جاتىر. كۇدىكتى قاماۋعا الىندى.
پىكىر قالدىرۋ