حانچجوۋ كوممۋنيستىك پارتيا كوميتەتىنىڭ بۇرىنعى باسشىسى چجوۋ ءسزيانون 182 ميلليون يۋان (25 ميلليون دوللارعا) پارا الدى دەگەن ايىپپەن ءولىم جازاسىنا كەسىلدى. بۇل تۋرالى قىتايلىق South China Morning Post باسىلىمى حابارلادى.
تەرگەۋ ناتيجەسىندە چجوۋ ءسزيانوننىڭ جەر ماسەلەسىن شەشىپ، قۇرىلىس جوبالارىن جاساۋ ءۇشىن پارا العانى انىقتالدى. شەنەۋنىك سىبايلاس جەمقورلىقتى 2001 جىلى اۋدان اكىمى اپپاراتى باسشىسىنىڭ ورىنباسارى بولىپ تۇرعان كەزدەن باستاعان.
باسىلىم 56 جاستاعى بۇرىنعى پارتيا قىزمەتكەرىنىڭ ءولىم جازاسى ءومىر بويىنا باس بوستاندىعىنان ايىرۋ جازاسىنا اۋىستىرىلۋى ىقتيمال دەپ جازدى.
سونىمەن قاتار، ول ءومىر بويى ساياسي قۇقىقتارىنان ايىرىلىپ، مۇلكى تاركىلەنەدى.
پىكىر قالدىرۋ