1 شىلدەدەن باستاپ كۇشىنە ەنەتىن جاڭا الەۋمەتتىك كودەكسكە سايكەس زەينەتاقى قورىنان اقشا الۋ ەرەجەلەرىنە دە وزگەرىستەر ەنگىزىلەدى.
بۇعان دەيىن اۋىر ەڭبەك جاعدايىندا جۇمىس ىستەيتىن قىزمەتكەرلەر مىندەتتى زەينەتاقى جارناسى مەن كاسىپتىك زەينەتاقى جارناسىن باسپانا الۋعا نەمەسە ەمدەۋگە جۇمساي الاتىن. ەندى بۇدان بىلاي ءبىرجولعى زەينەتاقى تولەمىن الار كەزدە بۇل جۇمىسشىلاردىڭ كاسىپتىك زەينەتاقى جارناسى ەسەپتەلمەيدى.
دەمەك ازاماتتار جارنانىڭ بۇل ءتۇرىن ءۇي الۋعا نەمەسە ەمگە جۇمساي المايدى. ەسەسىنە سەنىمگەرلىك باسقارۋعا بەرەردە ەش كەدەرگى بولمايدى.
"مىندەتتى زەينەتاقى جارنالارى جانە مىندەتتى كاسىپتىك زەينەتاقى جارنالارى ەسەبىنەن زەينەتاقى جيناقتارىن ينۆەستيسيالىق پورتفەلدى باسقارۋشىنىڭ (يپب) سەنىمگەرلىك باسقارۋىنا بەرۋ كەزىندە زەينەتاقى جيناقتارىنىڭ ەڭ تومەنگى جەتكىلىكتىلىك شەگى بۇدان بىلاي ەسكەرىلمەيدى. الەۋمەتتىك كودەكس كۇشىنە ەنگەن كەزدەن باستاپ سالىمشى اتالعان زەينەتاقى جيناقتارىنىڭ 50 پايىزىنا دەيىن يپب-نىڭ سەنىمگەرلىك باسقارۋىنا بەرۋگە قۇقىلى"، – دەلىنگەن قۇجاتتا.
سونىمەن قاتار، ازاماتتار ءبىرجولعى زەينەتاقى تولەمدەرىن جاقىن تۋىستارىنىڭ ەمىنە نەمەسە باسپانا جاعدايىن جاقسارتۋعا جۇمساي الادى.
جاقىن تۋىس ساناتىنا اتا-انا، تۋعان نەمەسە اسىراپ العان بالالار، اسىراپ الۋشىلار، اتا-اجە جانە نەمەرەلەر كىرەدى.
پىكىر قالدىرۋ