ىلە-الاتاۋ ۇلتتىق پاركى تاۋلاردا سەل ءجۇرۋى مۇمكىن ەكەنىن ەسكەرتىپ، تاۋعا شىقپاۋدى سۇرادى.

بۇل تۋرالى پاركتىڭ باسپا ءسوز قىزمەتى حابارلادى. 

الماتى قالاسىنىڭ تاۋلى اۋداندارىندا قاتتى جاڭبىر جاۋىپ، نايزاعاي ويناپ، بۇرشاق جاۋادى. نايزاعاي كەزىندە باتىس جەلدىڭ ەكپىنى 18-23 م/س بولادى.
قاتتى جاۋىن-شاشىننىڭ تۇسۋىنە وراي، قازىرگى جاعدايدى ەسكەرە وتىرىپ، تاۋلى جەرلەردە سەل ءجۇرۋ ءقاۋپى بار.

"2023 جىلعى 28 شىلدەدەن باستاپ 2023 جىلعى 31 شىلدەگە دەيىن بارلىق باقىلاۋ-وتكىزۋ بەكەتتەرىندە (الماراسان، كىماسار، بۋتاكوۆكا، اققايىڭ، اقساي، قاسكەلەڭ، تۇرگەن، ەسىك، مارالساي، قوتىربۇلاق)، الماتى قالاسى مەن الماتى وبلىسىنىڭ تاۋ بوكتەرىندەگى اۆتوموبيل جولىمەن ءقاۋىپتى ايماقتارعا جاياۋ جانە اۆتوكولىكتەر ءۇشىن جول ءجۇرۋ شەكتەلگەن"، – دەلىنگەن حابارلامادا. 

پاركتىڭ باسپا ءسوز قىزمەتى سەل تاسقىنىنا تۇسكەننەن كەيىن قاشۋعا مۇمكىندىك جوق ەكەنىن ەسكە سالدى.