بىرىككەن ۇلتتار ۇيىمىنىڭ باس اسسامبلەياسى كونفەسسياارالىق ديالوگتى دامىتۋعا جانە وشپەندىلىكپەن كۇرەسۋگە باعىتتالعان قاراردى قابىلدادى.
قابىلدانعان قاراردا بويىنشا ءدىن جانە نانىم-سەنىم ءۇشىن ادامدارعا قارسى جاسالعان زورلىق-زومبىلىق ارەكەتتەردىڭ بارلىق تۇرلەرى ايىپتالادى.
"قۇجاتتا ءدىني رامىزدەرگە، قاسيەتتى كىتاپتارعا، تۇرعىن ۇيلەرگە، جۇمىس ورىندارىنا، مۇلىكتەرگە، مەكتەپتەرگە، مادەنيەت ۇيلەرى مەن عيبادات ورىندارىنا قارسى باعىتتالعان كەز كەلگەن ارەكەتتەردى ايىپتاۋعا نازار اۋدارىلدى”، – دەلىنگەن ق ر ءسىم حابارلاماسىندا.
بۇۇ قارارىنىڭ ماتىنىنە ءدىني رامىزدەر مەن قاسيەتتى كىتاپتارعا سىلتەمەلەردى ەنگىزۋ تۋرالى شەشىم ەۋروپانىڭ ءبىرقاتار ەلدەرىندە قاسيەتتى قۇران ورتەپ، ونى قورلاۋ وقيعالارىنىڭ تىزبەگى اياسىندا قابىلداندى.
قازاقستان بۇۇ-عا مۇشە باسقا 47 ەلمەن بىرگە بۇل قاراردىڭ تەڭاۆتورى بولدى.
پىكىر قالدىرۋ