قازاقستان تۇرعىندارى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ وتستاۆكاعا كەتۋىن تالاپ ەتىپ، پەتيسياعا قول قويىپ جاتىر. 

"2023 جىلى 11 شىلدەدە باعدات مۋسين پرەزيدەنت قاسىم-جومارت توقايەۆپەن كەزدەسىپ،  ينتەرنەتتىڭ ءالسىز بولۋىنىڭ سەبەبى "باعانىڭ تومەندىگى مەن قازاقستاندىقتاردىڭ عالامتوردى وتە بەلسەندى قولدانۋى" دەپ مالىمدەدى. وسىدان كەيىن بارلىق قازاقستاندىق ۇيالى بايلانىس وپەراتورلارى ينتەرنەت ساپاسى سول دەڭگەيدە قالعانىنا قاراماستان، ءوز تاريفتەرىنىڭ باعاسىن بىردەن كوتەردى. ءتىپتى، قازاقتەلەكوم سوڭعى پايدالانۋشى ءۇشىن تاڭداۋ قالدىرماي، مۇراعات تاريفتەرىنىڭ باعاسىن كوتەردى"، - دەلىنگەن پەتيسيا ماتىنىندە.

1 تامىزداعى كورسەتكىش بويىنشا ءمۋسيننىڭ وتستاۆكاعا كەتۋىن 12،6 مىڭنان استام ادام قولداعان. ال 400-دەن استام ادام ءمينيستردىڭ كەتۋىنە قارسى داۋىس بەردى.

ەسكە سالا كەتەيىك، بۇعان دەيىن مۋسين استانا ينتەرنەت جىلدامدىعى جاعىنان توكيونى باسىپ وزاتىنىن ايتقان بولاتىن.