شىمكەنت قالاسىندا ءبىلىم باسقارماسىنىڭ لاۋازىمدى تۇلعالارى جۇيەلى جەمقورلىق ءۇشىن سوتتالدى، دەپ حابارلايدى سىبايلاس جەمقورلىققا قارسى ءىس-قيمىل اگەنتتىگى. قىلمىستىق ىستەر جونىندەگى اۋدانارالىق سوتىندا ءبىلىم باسقارماسىنىڭ ماماندارى ا. شينداۋلوۆ پەن م. مەيىربەكوۆتىڭ ءىسى قارالدى.
"ولار سۋبسيديالاۋ شارتتارىنا كەدەرگىسىز قول قويعانى ءۇشىن 100 مىڭنان 500 مىڭ تەڭگەگە دەيىنگى سومادا مەكتەپكە دەيىنگى مەكەمەلەردىڭ باسشىلارىنان جۇيەلى نەگىزدە پارا العانى ءۇشىن كىنالى دەپ تانىلدى. ەكەۋى دە 36 ميلليون تەڭگە كولەمىندە ايىپپۇل تولەۋگە مىندەتتەلدى"، - دەلىنگەن رەسمي حابارلامادا.
بۇدان بولەك، سوتتالعاندار مەملەكەتتىك قىزمەتتە، جەرگىلىكتى ءوزىن-وزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويىنا ايىرىلدى. سوت ۇكىمى زاڭدى كۇشىنە ەنگەن جوق.
پىكىر قالدىرۋ