الماتىدا كوپقاباتتى تۇرعىن ۇيدەن ءورت شىعىپ، 1 ادام قازا تاپتى. ءورت ليفت شاحتاسىنداعى ەلەكتر سىمدارىنىڭ توتىعۋىنان بولعان.
الەۋمەتتىك جەلىدە تاراعان اقپاراتقا سۇيەنسەك، ءورت 1 تامىز كۇنى، كەشكى ساعات 19 شاماسىندا، اقكەنت شاعىن اۋدانىنداعى 16 قاباتتى تۇرعىن ۇيدە باستالعان. ۆيدەودان جوعارعى قاباتتا تۇراتىن تۇرعىننىڭ بالالارىن امان الىپ قالۋ ءۇشىن تەرەزەدەن لاقتىرىپ جاتقانىن كورۋگە بولادى.
سوڭعى دەرەكتەر بويىنشا، ءورت سالدارىنان اۋىر جاراقات العان ءبىر ادام قايتىس بولدى. 43 ادام اۋرۋحاناعا جەتكىزىلگەن، ونىڭ 26-سى بالالار بولسا، ەكەۋى جۇكتى ايەلدەر. ءقازىر كامەلەتكە تولماعان 4 بالا جانساقتاۋ بولىمىندە جاتىر.
پىكىر قالدىرۋ