31 شىلدە كۇنى نيۋ-يوركتە بتا بانك پەن Triadou SPV S.A. كومپانياسىنا قاتىستى سوت وتىرىسى ءوتتى. سوتتا Triadou SPV S.A. بتا بانكتىڭ اكتيۆتەرىن زاڭسىز يەمدەندى دەپ تانىلدى.

Triadou ءابليازوۆ پەن ونىڭ كۇيەۋ بالاسى ءىلياس حراپۋنوۆقا تيەسىلى. بتا بانكتەن ۇرلانعان $70 ميلليون وسى كومپانياعا اۋدارىلىپ، نيۋ-يورك پەن اقش-تىڭ ءبىرقاتار شتاتىنان جىلجىمايتىن مۇلىكتى ينۆەستيسيالاۋعا جۇمسالعان.  

ەسكە سالايىق، ابليازوۆكە قارسى 2009 جىلى ءىس قوزعالعان ەدى. وسىدان كەيىن ەكس-بانكير قازاقستاننان قاشىپ كەتىپ، ينتەرپول حالىقارالىق ىزدەۋ جاريالادى. ول 2013 جىلدىڭ شىلدەسىندە فرانسيادا قاماۋعا الىنىپ، فرانسۋز سوتى ەكس-بانكيردى قازاقستانعا بەرۋدەن باس تارتتى. ال 2022 جىلدىڭ جەلتوقسانىندا وليگارح بوسقىن مارتەبەسىنەن ايىرىلدى.

مۇحتار ءابليازوۆ قازاقستاندا سىرتتاي ءومىر بويىنا تۇرمەگە كەسىلگەن. ول مۇندا “كىسى ءولتىرۋ، اقشا جىمقىرۋ” سىندى قىلمىستار ءۇشىن كىنالى دەپ تانىلدى.

دەرەككوز: ءتىل كەسپەك جوق