جەزقازعان قالاسىنىڭ ەكى تۇرعىنىنا قاتىستى MetaGo قارجى پيراميداسىن جارنامالاۋ كۇدىگى بويىنشا سوتقا دەيىنگى تەرگەپ-تەكسەرۋ باستالدى.
قارجىلىق مونيتورينگ اگەنتتىگىنىڭ ۇلىتاۋ وبلىسى بويىنشا دەپارتامەنتى وڭىرلىك پروكۋراتۋرانىڭ ۇيلەستىرۋىمەن جانە اگەنتتىكتىڭ كولەڭكەلى ەكونوميكا سالاسىنداعى تالدامالىق بولىمشەلەرىمەن ءوزارا ءىس-قيمىلى ناتيجەسىندە كۇدىكتىلەردىڭ قىلمىستىق ارەكەتى انىقتالدى.
كۇدىكتىلەر MetaGo قارجى پيراميداسىنىڭ قىزمەتى تۋرالى اقپاراتتىق رەسۋرستاردا (YouTube بەينەحوستينگ سايتى، Whatsapp جانە Telegram مەسسەندجەرلەرى، Facebook جانە Instagram الەۋمەتتىك جەلىلەرى)، سونداي-اق وسى قارجى پيراميداسىنىڭ سيمۆوليكاسى بار كيىم مەن پلاكاتتاردى پايدالانا وتىرىپ، حالىقپەن كەزدەسۋلەر، جينالىستار وتكىزگەن.
وسى ارقىلى 63 ملن تەڭگەدەن استام سومادا زالال كەلتىرىپ، قارجى پيراميداسىنىڭ زاڭسىز قىزمەتىنە 80-نەن استام ازاماتتى تىكەلەي تارتقان. بۇل تۋرالى Halyq Uni پورتالى حابارلادى.
ءقازىر ق ر قك-نىڭ 217-1-بابى (ادامدار توبىنىڭ قارجى پيراميداسىن جارنامالاۋى) بويىنشا تەرگەۋ جۇرگىزىلىپ جاتىر.
پىكىر قالدىرۋ