قازاقستان مەن جۇڭگو اراسىنداعى ۆيزاسىز رەجيم تۋرالى زاڭ كۇشىنە ەندى.

وعان سايكەس، قازاقستاندىقتار قحر-دا ۆيزاسىز جۇرە الادى. ال جۇڭگو ازاماتتارى قازاقستان اۋماعىندا شەكارانى كەسىپ وتكەن ساتتەن باستاپ 30 كۇن، 180 كۇندىك مەرزىمدە 90 كۇن بولا الادى.

قازاقستاندىقتاردان تالاپ ەتىلەتىن قۇجاتتار:

1)ق ر ازاماتىنىڭ ءتولقۇجاتى؛

2)ەلگە قايتىپ ورالاتىنى تۋرالى كۋالىك.

جۇڭگو ازاماتتارىنان تالاپ ەتىلەدى:

1)جۇڭگو ازاماتىنىڭ جارتىلاي قىزمەتتىك ءتولقۇجاتى؛

2)جۇڭگو ازاماتىنىڭ قاراپايىم ءتولقۇجاتى؛

3)ۋاقىتشا جول ءجۇرۋ قۇجاتى.

ۋاعدالاسۋشى تاراپتاردىڭ ءارقايسىسىنىڭ ەكىنشى تاراپتىڭ ديپلوماتيالىق ارنالارى ارقىلى جازباشا حابارلاما ارقىلى ۇلتتىق قاۋىپسىزدىكتى، قوعامدىق ءتارتىپتى نەمەسە دەنساۋلىق ساقتاۋدى قامتاماسىز ەتۋ ماقساتىندا كەلىسىمنىڭ قولدانىلۋىن ۋاقىتشا، ءىشىنارا نەمەسە تولىق توقتاتا تۇرۋعا قۇقىعى بار.

قاۋلى قول قويىلعان كۇنىنەن باستاپ قولدانىسقا ەندى.