انتيكوردىڭ شىمكەنتتەگى دەپارتامەنتىنىڭ باستىعى داۋرەن ەرعارين جەكە مەنشىككە زاڭسىز بەرىلگەن قانشا جەر ۋچاسكەسى قايتارىلىپ جاتقانىن حابارلادى.
ونىڭ جازۋىنشا، شىمكەنتتە تىعىز قۇرىلىس سالۋعا جول بەرمەۋ ماقساتىندا جەكە مەنشىككە زاڭسىز بەرىلگەن جەر ۋچاسكەلەرىن مەملەكەت پايداسىنا قايتارۋ بويىنشا ماقساتتى ءىس-شارالار ۇيىمداستىرىلعان.
"قازىرگى تاڭدا سوت شەشىمىمەن اۋكسيونسىز كاسىپكەرلەرگە بەرىلگەن جالپى اۋدانى 77 گەكتار، قۇنى 3 ملرد تەڭگەگە جۋىق 46 جەر ۋچاسكەسى مەملەكەتتىڭ بالانسىنا قايتارىلدى. سوت شەشىمى زاڭدى كۇشىنە ەنگەن جوق"، - دەيدى ول.
ەرعاريننىڭ جازۋىنشا، بۇعان دەيىن الماتى قالاسىندا تاۋ بوكتەرىندەگى قۇرىلىس سالاسىندا وسى تۇرعىداعى زاڭبۇزۋشىلىقتار انىقتالعان.
دەرەككوز: Ulysmedia.kz
پىكىر قالدىرۋ