قازاقستاندىق ايەلدەر پوليسياعا تۇرمىستىق زورلىق-زومبىلىققا قاتىستى ءجيى شاعىمدانا باستاعان.
سوڭعى ايدا 10 مىڭ ايەل پوليسياعا تۇرمىستىق زورلىق-زومبىلىق تۋرالى ارىزبەن جۇگىنگەن. ۇيدە جانجال شىعارعانداردىڭ كوپشىلىگى اكىمشىلىك جاۋاپكەرشىلىككە تارتىلسا، كەيبىرەۋلەرى ساۋىقتىرۋ پۋنكتىنە جابىلعان. بۇل تۋرالى "حابار 24" تەلەارناسى حابارلادى.
ەسكە سالا كەتسەك، بيىل 1 شىلدەدەن باستاپ تۇرمىستىق زورلىق-زومبىلىققا قارسى جازا قاتاڭداعان. ەندى ءتارتىپ ساقشىلارى جابىرلەنۋشىلەردىڭ شاعىمىنسىز ءىس قوزعاي الادى. كۋاگەرلەردىڭ ايعاقتارى، سونداي-اق بەينەكامەرا جازبالارى جەتكىلىكتى.
"شىلدە ايىندا تۇرمىستىق زورلىق-زومبىلىق تۋرالى 10 مىڭنان استام حابارلاما كەلىپ ءتۇستى. سونىمەن قاتار، جانجال شىعارعانداردىڭ 92 پايىزى اكىمشىلىك جاۋاپكەرشىلىككە تارتىلدى. العاش رەت قۇقىقبۇزۋشىلىق جاساعانى ءۇشىن كىنالى ادام ەسكەرتۋ نەمەسە 5-10 كۇنگە دەيىن اكىمشىلىك قاماۋعا الىنۋى مۇمكىن. ءتارتىپ بۇزعان جاعدايدا 25 تاۋلىككە دەيىن اكىمشىلىك قاماققا الۋ قاراستىرىلادى"- دەدى ءىىم تجك دەپارتامەنتىنىڭ باستىعى رۋسلان قارجاسپەكوۆ.
دەگەنمەن كودەكستەگى وزگەرىستەر مەن پوليسيانىڭ جۇمىسى جاقسى ناتيجە بەرىپ كەلەدى. سوڭعى كەزدە تۇرمىستىق كىسى ءولتىرۋ سانى 1،5 پايىز ازايعان.
پىكىر قالدىرۋ