2022 جىلعى وسى توقسانمەن سالىستىرعاندا ورتاشا ايلىق جالاقىنىڭ ەڭ جوعارعى ءوسىمى بايقالعان سالالار:

• اقپارات جانە بايلانىس – 36 پايىز،
• كولىك جانە قويما – 24،6 پايىز،
• اۋىل، ورمان جانە بالىق شارۋاشىلىعى – 23،7 پايىز،
• كوتەرمە جانە بولشەك ساۋدادا ساتۋ؛ اۆتوموبيلدەردى جانە موتوسيكلدەردى جوندەۋ – 21،8 پايىز.
• ءبىلىم بەرۋدە ورتاشا ايلىق جالاقىنىڭ ءوسۋى - 10،2 پايىز،
• دەنساۋلىق ساقتاۋ جانە حالىققا الەۋمەتتىك قىزمەت كورسەتۋ – 15،6 پايىز.

الايدا ناقتى ماندە جالاقى كولەمى بىلتىرعى ەكىنشى توقسانمەن سالىستىرعاندا تومەندەگەن سالالار دا بار:

• قۇرىلىس – 3،5 پايىز،
• تۇرۋ جانە تاماقتانۋ قىزمەتتەرىن كورسەتۋ – 2،6 پايىز،
• ءبىلىم بەرۋ – 4،8 پايىز،
• سونداي-اق دەنساۋلىق ساقتاۋ جانە الەۋمەتتىك قىزمەت كورسەتۋ – 0،1 پايىز.

وڭىرلىك بولىنىستە 2022 جىلعى وسى توقسانمەن سالىستىرعاندا ورتاشا ايلىق اتاۋلى جالاقىنىڭ ەڭ جوعارعى ءوسىمى ۇلىتاۋ وبلىسىندا تىركەلگەن – 23،8 پايىز. ەڭ تومەنگى ءوسىمى تۇركىستان وبلىسىندا – 12،2 پايىز.

"ورتاشا ايلىق جالاقى تۋرالى اقپارات كاسىپورىندار مەن ۇيىمداردىڭ توقساندىق نەگىزدە ۇسىناتىن ەسەپتىك دەرەكتەرى نەگىزىندە قالىپتاستىرىلادى. جالاقى مولشەرى كاسىپورىنداردىڭ ەسەپتەلگەن جالاقى قورىنىڭ سوماسىن كاسىپورىندار قىزمەتكەرلەرىنىڭ ناقتى سانىنا ءبولۋ ارقىلى ەسەپتەلەدى.

بيۋرو جاريالايتىن ورتاشا جالاقى تۋرالى اقپارات ءبىر قىزمەتكەردىڭ ەسەپتەلگەن جالاقىسىنىڭ ورتاشا مولشەرىن كورسەتەدى، ياعني بارلىق قوسىمشا اقىلاردى، ۇستەمەاقىلاردى، سىياقىلاردى، سالىقتاردى جانە زەينەتاقى اۋدارىمدارىن قوسا الا وتىرىپ ەسكەرىلەدى"، - دەلىنگەن حابارلامادا