ەلوردالىق مەكتەپتەگى بالا ولىمىنەن كەيىن قازاقستاندا سپورتتىڭ قۇرال-جابدىقتارعا تەكسەرۋ جۇرگىزىلمەك. بۇل تۋرالى ۇكىمەتتىڭ كۋلۋارىندا وقۋ-اعارتۋ ءمينيسترى عاني بەيسەمبايەۆ مالىمدەدى
"تەرگەۋ جۇرگىزىلۋدە. ءبىلىم باسقارماسىنا كەشەدەن باستاپ بارلىق مەكتەپتەردىڭ سپورت الاڭدارىن تەكسەرۋ تاپسىرىلدى. استانادا عانا ەمەس، ەلىمىزدىڭ بارلىق وڭىرلەرىندە سپورت الاڭدارى مەن جابدىقتار تەكسەرىلەدى"، - دەدى مينيستر.
توتەنشە جاعدايلار ءمينيسترى سىرىم ءشارىپحانوۆ مەكتەپتەردە ۆەدومستۆو ءورت قاۋىپسىزدىگى جەلىسى بويىنشا تەكسەرۋلەر جۇرگىزىپ جاتقانىن اتاپ ءوتتى. مينيستر مەكتەپتەردىڭ باسشىلىعى قاۋىپسىزدىك تەحنيكاسى بويىنشا كۇندەلىكتى نۇسقاما جۇرگىزۋى قاجەت ەكەنىن ايتتى.
ال مەكتەپ اۋلاسىندا 10 جاستاعى بولانىڭ قايتىس بولۋ فاكتىسى بويىنشا سوتقا دەيىنگى تەرگەۋ باستالدى، قايعىلى جاعدايعا جاۋاپتىلاردىڭ ەسىمى جاقىن ارادا اتالادى،
ەستەرىڭىزگە سالا كەتەيىك، 7 تامىز كۇنى كەشكە استانادا ۇستىنە فۋتبول قاقپاسى قۇلاعان 10 جاسار بالا مەرت بولدى. وقيعا №10 مەكتەپ اۋماعىندا بولعان.
پىكىر قالدىرۋ