سوتقا تارتىلعان توعىزدىڭ بەسەۋى – قاڭتار وقيعاسى كەزىندە تارازدا مەرت بولعاندار. 7 اقپاندا شىعارىلعان ۇكىمدە ايىپتالعانداردىڭ ءبارى بىلتىر قاڭتاردىڭ 6-سىنا قاراعان ءتۇنى "قوعامعا ءقاۋىپتى ىس-ارەكەتىن ۇعىنا وتىرىپ، قيراتۋ، ورتەۋ، مۇلىكتى جويۋ، اتىس قارۋىن قولدانۋ جانە بيلىك وكىلدەرىنە قارۋلى قارسىلىق كورسەتۋگە ۇلاسقان جاپپاي تارتىپسىزدىككە قاتىسقانى"، "بيلىك وكىلدەرىنىڭ زاڭدى تالاپتارىنا باعىنباي، جاپپاي تارتىپسىزدىك جاساۋعا شاقىرىپ، ءوق-دارiنi زاڭسىز يەمدەنىپ، ساقتاعانى، تاسىمالداعانى جانە الىپ جۇرگەنى" ايتىلعان.

"سوتتالۋشىلاردىڭ كىناسى دالەلىن تاپتى" دەگەن ەدى سۋديا باعلان تورەبەك ۇلى

سوت مارات بەكباۋ بۇعان دەيىن دە سوتتى بولعانىن ەسكەرىپ، ونى ەكى جىلعا بوستاندىعىنان ايىرۋعا جانە جازاسىن قاۋىپسىزدىگى جوعارى تۇزەۋ مەكەمەسىندە وتەۋگە ۇكىم ەتكەن.

اسحات تاشەكەيەۆتى دە ەكى جىلعا بوستاندىعىنان ايىرىپ، امنيستياعا ىلىنۋىنە بايلانىستى سوت زالىنان بوساتتى.

عاني كەرىمبايەۆتى ءۇش جىلعا باس بوستاندىعىنان ايىردى. "راقىمشىلىق تۋرالى" زاڭ قولدانىلۋىنا بايلانىستى جازا مەرزىمى قىسقارىپ، ول مەرزىم ەندىگى وتەلگەندىكتەن، كەرىمبايەۆ سوت زالىنان بوساتىلدى. نۇربول ەرەجەپوۆكە دە ءۇش جىل قاماۋ جازاسى كەسىلدى. الايدا "راقىمشىلىق تۋرالى" زاڭ بويىنشا جازا مەرزىمى قىسقارتىلىپ، شارتتى تۇردە توعىز ايعا بوستاندىعىنان ايىرىلدى.

ال قاڭتاردا قازا تاپقان يساتاي دونبايەۆ، رايس رىسبەكوۆ، ەرجان بايجانوۆ، نۇرسۇلتان قۋاتبايەۆ پەن توقتار وشاقبايعا جازا تاعايىندالماعانىمەن، سوت بەسەۋىن دە كىنالى دەپ تانىعان ەدى.

ءىس اپەللياسيالىق ساتىعا مارات بەكباۋدىڭ جانە سوتتالعاندار قايتىس بولسا دا كىنالى دەپ تانىلعان بەس ازاماتتىڭ قورعاۋشىلارى مەن زاڭدى وكىلدەرىنىڭ شاعىمدارى بويىنشا ءتۇستى.

“سوت القاسى ءبىر سوتتالعانعا قاتىستى سوت ۇكىمىنىڭ كۇشىن جويدى. قك-نىڭ 272-ب. 2-ب.-مەن تاعىلعان ايىپ بويىنشا ك.-نىڭ ىس-ارەكەتتىندە قىلمىس قۇرامىنىڭ بولماۋىنا بايلانىستى كۇشى جويىلىپ، قىلمىستىق ءىس وندىرىسىمەن توقتاتىلدى. اپەللياسيا ايىپتاۋ بويىنشا دالەلدەمەلەردىڭ جيىنتىعى ونى كىنالى دەپ تانۋ ءۇشىن جەتكىلىكسىز دەپ سانادى. ك.-نىڭ قىلمىستىق جاۋاپكەرشىلىككە زاڭسىز تارتىلۋىنا بايلانىستى سوتتالعاننىڭ وكىلىنە اقتاۋ قۇقىعى تانىلدى. سونىمەن قاتار قالعان سوتتالعاندارعا قاتىستى ۇكىم كۇشىندە قالدىرىلدى. سوت القاسى ولاردىڭ كىناسى دالەلدەنگەن دەگەن قورىتىندىعا كەلدى. سوتتالعاندار ب.، ت.، ە.، ك.، ب.، ر.، د.، و.-نىڭ كىناسى سوتتا جاۋاپ الىنعان كۋالەردىڭ - وقيعانىڭ كۋاگەرلەرىنىڭ ولاردىڭ جاپپاي تارتىپسىزدىكتەرگە بەلسەندى قاتىسقان تۇلعالار رەتىندە ناقتى كورسەتكەن ايعاقتارىمەن راستالادى”، – دەلىنگەن وبلىستىق سوت حابارلاماسىندا.

ال مارات بەكباۋدىڭ جازاسى اۋىرلاي ءتۇستى.

“سوت القاسى زاڭناماعا ەنگىزىلگەن وزگەرىستەرگە بايلانىستى اسا اۋىر قىلمىسى ءۇشىن وتەلمەگەن سوتتىلىعى بار سوتتالعان ب.-عا تۇزەۋ مەكەمەسىنىڭ ءتۇرىن توتەنشە قاۋىپسىزدىكتەن بارىنشا جوعارىعا اۋىستىردى”، – دەپ ءمالىم ەتتى سوتتان.