اتىراۋ وبلىسىندا لاگەرگە بارا جاتقان كەزدە قايتىس بولعان ءجاسوسپىرىمنىڭ اناسى تامارا ساپلينا ۆيدەوۇندەۋ جاسادى. ول ءوز ۆيدەوۇندەۋىندە الەۋمەتتىك جەلىدە تاراعان اقپاراتتاردى جوققا شىعارىپ، ءىستىڭ ءمان-جايىن ءتۇسىندىردى. ۆيدەونى قوعامدىق كەڭەستىڭ مۇشەسى ساندۋعان كوكەنوۆا ءوزىنىڭ الەۋمەتتىك جەلىدەگى پاراقشاسىندا جاريالادى.
اناسىنىڭ ايتۋىنشا، سۆياتوسلاۆ بالا كەزىنەن اۋىرعان.
"ادامدار بالام تاماقتان ۋلاندى دەپ جاتىر. جوق، ولاي ەمەس. ول بالا كەزىنەن اۋىرعان، تامىرلارى وزدىگىمەن جارىلاتىن دياگنوز بولدى. سول كۇنى كەۋدە تۇسىنداعى ۇلكەن تامىرى جارىلىپ كەتكەن ەدى"، - دەدى ساپلينا.
ەسكە سالساق، 7 تامىزدا ءبىر توپ بالا "اتىراۋ-استراحان" پويىزىمەن ساناتوريگە جولعا شىققان. ءبىر جارىم ساعاتتان كەيىن 13 جاستاعى سۆياتوسلاۆ ساپلين ءوزىن ناشار سەزىنگەن. سودان "نارىن" ستانسياسىنا جەدەل جاردەم شاقىرىلدى. ءبىراق بالا قايتىس بولدى.
پىكىر قالدىرۋ