وزبەكستاننىڭ ەكس-پرەزيدەنتىنىڭ قىزى گۇلنار كارىموۆاعا تيەسىلى ەكى ەليتالىق پاتەر مەن ءزاۋلىم ءۇي تاركىلەندى. بۇل تۋرالى الاياقتىققا قارسى كۇرەس بيۋروسى مالىمدەدى.
ەليتالىق جىلجىمايتىن مۇلىكتىڭ قۇنى 25 ميلليون دوللاردان اسادى. پاتەرلەر لوندوننىڭ باي-باعلاندار تۇراتىن اۋدانىندا، ال ساراي سۋررەي وكرۋگىندە ورنالاسقان.
ۇلىبريتانيا بيلىگى تاركىلەۋ تۋرالى شەشىم قابىلداعان سوڭ بيۋرو كارىموۆا مەن ونىڭ وتباسى جىلجىمايتىن مۇلىكتى وزبەكستانداعى سىبايلاس جەمقورلىق قىزمەتىنەن تۇسكەن قاراجاتقا ساتىپ الدى دەگەن قورىتىندىعا كەلدى.
ەسكە سالا كەتەيىك، كارىموۆا وزبەكستاندا جازاسىن وتەپ جاتىر. ول ءۇش جىل بۇرىن قىلمىستىق توپ ۇيىمداستىرىپ، الاياقتىق جاساعانى ءۇشىن 13 جىلعا سوتتالدى.
بۇعان دەيىن وزبەكستاننىڭ ەكس-پرەزيدەنتىنىڭ ۇلكەن قىزى گۇلنار كارىموۆانىڭ 131 ميلليون دوللارلىق اكتيۆتەرى شۆەيساريادان ەلگە قايتارىلاتىنى حابارلانعان بولاتىن.
پىكىر قالدىرۋ