2023 جىلعى 4 تامىزدا ۇقك شق باتىس قازاقستان وبلىسى بويىنشا دەپارتامەنتىنىڭ شەكاراشىلارى بەلگىلەنگەن وتكىزۋ پۋنكتتەرىنەن تىس جەردەن رەسەي فەدەراسياسى اۋماعىنا قاراي مەملەكەتتىك شەكارانى زاڭسىز كەسىپ وتۋگە ارەكەت جاساعان بەس شەتەل ازاماتىن ۇستادى، دەپ حابارلايدى ۇقك-نىڭ باسپا ءسوز قىزمەتى.
اتالعان ادامدار قازاقستان رەسپۋبليكاسىنا اۋە جولىمەن تۋريست رەتىندە كەلگەن. الدىن الا مالىمەت بويىنشا ولار جاقسى ءومىر ءسۇرۋ جاعدايىن ىزدەپ ەۋرووداق ەلدەرىنە جول تارتقان.
ۇستالعاندار باتىس قازاقستان وبلىسى تاسقالا اۋداندىق سوتىنىڭ قاۋلىسىمەن اكىمشىلىك جاۋاپكەرشىلىككە تارتىلىپ، ەل اۋماعىنان شىعارىلدى.
پىكىر قالدىرۋ