شىمكەنتتە 5 تامىزدا جوعالعان قىزدىڭ ءمايىتى جەرتولەدەن تابىلدى، - دەپ حابارلايدى ءىىم باسپا ءسوز قىزمەتىنە سىلتەمە جاساپ.
ەسكە سالايىق، 5 تامىزدا ءال-فارابي اپب-عا قىزدىڭ جوعالعانى تۋرالى حابارلاما تۇسكەن بولاتىن. اعاسىنىڭ ايتۋىنشا، 2004 جىلعى ستۋدەنت 4 تامىزدا ۇيدەن بەلگىسىز باعىتقا شىعىپ قايتا ورالماعان. تۇركىستان وبلىسىنىڭ تۋماسى وقۋىنا بايلانىستى ۋاقىتشا اپكەسىنىڭ ۇيىندە تۇرعان. جەدەل-ىزدەستىرۋ جۇمىستارىنا شىمكەنت قالاسى ءپد-نىڭ بارلىق جەكە قۇرامى جۇمىلدىرىلعانى حابارلانعان بولاتىن.
باق-تا جانە الەۋمەتتىك جەلىدە 18 جاستاعى قىزدىڭ ءىز-تۇزسىز جوعالعانى تۋرالى حابارلاندىرۋ تاراتىلدى. ءۇش كۇن بويى ۇزدىكسىز جۇرگىزىلگەن ىزدەۋ جۇمىستارى وڭ ناتيجە بەرمەدى.
"8 تامىز تۇنگى ساعات 01:30 شاماسىندا ءال-فارابي اپب-نا تۋىستارى ءۇيدىڭ جەرتولەسىنەن جوعالعان قىزدىڭ ءولى دەنەسىن تاپقانى تۋرالى حابارلادى. وقيعا ورنىنا بارعان جەدەل تەرگەۋ توبى جەرتولەدەن توسەك جايماسىنا ورالعان، دەنەسىندە زورلىق بەلگىلەرى بار مۇردەنى انىقتادى"، - دەلىنگەن حابارلامادا.
بويجەتكەندى تۋعان جەزدەسى ءولتىردى دەگەن كۇدىككە ىلىنگەن.
ق ر قك-نىڭ 99-بابى "ادام ءولتىرۋ" بويىنشا سوتالدى تەرگەۋ امالدارى جۇرگىزىلىپ جاتىر. قاجەتتى ساراپتامالار تاعايىندالدى. كۇدىكتى ۋۇي-عا قامالدى. وزگە اقپارات ق ر قپك-نىڭ 201-بابىنا سايكەس تەرگەۋ مۇددەسىندە جاريالاۋعا جاتپايدى.
پىكىر قالدىرۋ