پاۆلوداردا ەسىرتكىنى جاسىرىپ قويىپ كەتۋمەن اينالىسقان جىگىت ۇستالدى، دەپ حابارلادى Polisia.kz.
"قالاداعى ۆورۋشين كوشەسىندە وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكىنى جاسىرىپ قويىپ كەتۋمەن اينالىستى دەگەن كۇدىكپەن 18 جاستاعى جىگىتتى ۇستادى. ول ەش جەردە جۇمىس ىستەمەگەن"- دەلىنگەن حابارلامادا.
كۇدىكتىدەن سالماعى 28 گرامنان اساتىن 40 تۇيىنشەككە سالىنعان سينتەتيكالىق ەسىرتكى تاركىلەندى.
قىلمىستىق كودەكستىڭ 297-بابى 3-بولىگى بويىنشا قىلمىستىق ءىس قوزعالىپ، جىگىت قاماۋعا الىندى. بۇل قىلمىس ءۇشىن 15 جىلعا دەيىن باس بوستاندىعىنان ايىرۋ جازاسى قاراستىرىلعان.
پىكىر قالدىرۋ