پاۆلودار وبلىسى پوليسيا دەپارتامەنتىنىڭ بۇرىنعى باستىعى نۇرلان ءماسىموۆ 10 جىلعا سوتتالدى. سونداي-اق سوت ونىڭ مال مۇلكىن تاركىلەۋگە ۇكىم شىعارعان. 

نۇرلان ءماسىموۆ پەن ونىڭ بۇرىنعى ورىنباسارى دامير سيرازيديموۆكە 366-باپتىڭ 4-بولىگى ("اسا ءىرى كولەمدە پارا الۋ") جانە 189-بابى ("اسا ءىرى مولشەردە سەنىپ تاپسىرىلعان شەتەلدىك مۇلىكتى يەمدەنۋ نەمەسە جىمقىرۋ") بويىنشا ايىپ تاعىلعان. كاسىپكەر ەۆگەنيي ەۆكوۆيچكە 28-باپتىڭ 5-بولىگى – 189-بابىنىڭ 4-بولىگىنىڭ 2-تارماعى ("ەرەكشە ءىرى مولشەردە پارا بەرۋگە كومەكتەسۋ") بويىنشا ايىپتالسا، ماسىموۆكە سونىمەن قوسا 92-باپ – "قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتۋ" ايىبى ارتىلعان.

ايىپتاۋشى تاراپتىڭ مالىمەتىنشە، پوليسيا دەپارتامەنتىنىڭ باسشىسى ءوزىنىڭ ورىنباسارىمەن بىرلەسىپ 90،3 ميلليون تەڭگە كولەمىندە مۇلىك تۇرىندە پارا العان.