الماتى وبلىسىندا 2002 جىلى تۋعان قىز سۋعا تۇسۋگە تىيىم سالىنعان  جەردە  شومىلىپ جاتىپ سۋعا باتىپ كەتكەن. 

بۇل تۋرالى تجد باسپا ءسوز قىزمەتى مالىمدەدى. قايعىلى وقيعا قاپشاعاي سۋ قويماسىندا بولعان. ءبىر توپ جاستار سۋعا ءتۇسۋ ءۇشىن بەلگىلەنبەگەن جەردە "پيونەر" دەمالىس ايماعىنىڭ ماڭىنداعى توعاننىڭ جانىندا دەمالىپ جاتقان. جاستار الكوگولدىك ماس حالدە سۋعا تۇسۋگە بەل بۋعان. ءوز كۇشىن ەسەپتەي الماعان بويجەتكەن تەرەڭگە دەيىن ءجۇزىپ، سۋعا باتىپ كەتكەن.

بۇل سۋ ايدىندارىنداعى قاۋىپسىزدىك ەرەجەلەرىن ساقتاماۋ سالدارىنان بولعان. قاۋىپسىزدىك ەرەجەلەرىن بۇزعان 5 ازامات اكىمشىلىك قۇقىقبۇزۋشىلىق تۋرالى كودەكستىڭ 412-بابى بويىنشا اكىمشىلىك جاۋاپكەرشىلىككە تارتىلدى، – دەلىنگەن تجد حابارلاماسىندا.

الماتى وبلىسىنىڭ توتەنشە جاعدايلار دەپارتامەنتى ەسكەرتۋلەر مەن تىيىم سالۋ بەلگىلەرى بار، ەسكەرتۋ تاقتالارى ىلىنگەن جەرلەردە سۋعا تۇسۋگە، سونداي-اق جۇزۋگە جابدىقتالماعان، بەيتانىس جەرلەردە سۋعا تۇسۋگە قاتاڭ تىيىم سالىناتىنىن ەسكەرتەدى.