جەتىسۋ وبلىسىنىڭ پوليسيا دەپارتامەنتى جۋرناليست ساندۋعاش دۇيسەنوۆانى ءتىنتۋ كەزىندە نەلىكتەن شەشىندىرىپ ۆيدەوعا تۇسىرگەنىن ءتۇسىندىردى.
جۋرناليستكە قىلمىستىق كودەكستىڭ 147-بابى 5-بولىگى، ادامنىڭ جەكە ءومىرى تۋرالى اقپاراتتى تاراتۋ بويىنشا ايىپ تاعىلعان.
بوساپ شىققاننان كەيىن جۋرناليست ءوزىن پوليسەيلەر بولىمشەدە شەشىندىرىپ، ۆيدەوعا تۇسىرگەنىن ايتقان بولاتىن. وسىعان وراي جەتىسۋ وبلىستىق پد مالىمدەمە جاسادى.
"باق-تا جانە الەۋمەتتىك جەلىلەردە ازاماتشا دۇيسەنوۆانى ۇستاۋ كەزىندە پوليسيا قىزمەتكەرلەرى تاراپىنان زاڭسىز ارەكەتتەردىڭ بولعانى تۋرالى اقپارات تاراپ جاتىر. 11 تامىزدا سوتتىڭ سانكسياسىمەن سوتقا دەيىنگى تەرگەۋ اياسىندا دۇيسەنوۆاعا جەكە ءتىنتۋى جۇرگىزىلگەن. جەكە ءتىنتۋ ءراسىمى تەرگەۋشى، كريميناليست جانە ەكى كۋاگەردىڭ قاتىسۋىمەن (بارلىعى تiنتىلگەن اداممەن ءبىر جىنىستى) قىلمىستىق-پروسەستىك كودەكسىنىڭ قاتاڭ تالاپتارىنا سايكەس ىسكە اسىرىلدى. وسى تەرگەۋ ارەكەتىن جۇرگىزۋ كەزىندە عىلىمي-تەحنيكالىق قۇرالداردى (بەينەكامەرا) قولدانۋ مىندەتتى جانە قپك-مەن رەتتەلەدى"، - دەپ مالىمدەدى پوليسيا.
ءجۋرناليستتى جەكە ءتىنتۋ كەزىندە تىيىم سالىنعان زاتتار تابىلماعان.
پىكىر قالدىرۋ