جۋرناليست ساندۋعاش دۇيسەنوۆانى قولداۋ ءۇشىن پەتيسياعا قول جيناۋ باستالدى. بۇل تۋرالى ءجۋرناليستىڭ قىزى سايا ءبىلالوۆا جازدى.

"مەنىڭ اناما Instagram-عا كىرۋگە رۇقسات بەرىلدى، ءبىراق پوست جازۋعا بولمايدى. سوندىقتان بۇگىننەن باستاپ ونىڭ پاراقشاسىن مەن جۇرگىزەتىن بولامىن. قولداۋلارىڭىز ءۇشىن العىس ايتقىم كەلەدى! انام قىلمىسكەر سەكىلدى ۋاقىتشا ۇستاۋ يزولياتورىنا قامالىپ، جۋرناليستەردىڭ ارالاسۋىنان كەيىن عانا بوساتىلدى! تەرگەۋ جالعاسىپ جاتىر. ازىرگە جاناشىر ادامدار باستاعان پەتيسيانى قولداۋلارىڭىزدى سۇرايمىن"، - دەپ جازدى ءجۋرناليستتىڭ قىزى سايا ءبىلالوۆا.

ونىڭ ايتۋىنشا، تەرگەۋشى دۇيسەنوۆادان بارلىق بەينە جانە فوتوماتەريالدارى ساقتالعان ۇيالى تەلەفوندى تارتىپ العان.

ەسكە سالايىق، ساندۋعاش دۇيسەنوۆا – تاۋەلسىز جۋرناليست، ازاماتتىق بەلسەندى. ونى پوليسيا 11 تامىز كۇنى ۇستاپ اكەتىپ، ۋاقىتشا ۇستاۋ يزولياتورىنا قاماعان. 12 تامىز كۇنى تاڭەرتەڭ جۋرناليست كەپىلگە بوساتىلدى. تەرگەۋدە بولعان دۇيسەنوۆا پوليسيانىڭ ءوزىن شەشىندىرىپ، ۆيدەوعا ءتۇسىرىپ العانىن حابارلادى. ءجۋرناليستىڭ ايتۋىنشا، ولار بۇنى ونىڭ جىگەرىن سىندىرۋ ءۇشىن جاساعان.