ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ پوليسيا قىزمەتكەرلەرىنىڭ جۋرناليست ساندۋعاش دۇيسەنوۆانى شەشىندىرىپ ءتىنتۋى جونىندە تىلشىلەردىڭ سۇراعىنا جاۋاپ بەردى. ونىڭ ايتۋىنشا، ءىستىڭ ءبارى زاڭمەن رەگلامەنتتەلگەن.
"قىلمىستىق ءىس ءالى تەرگەلۋ ۇستىندە. ءبىزدىڭ قىزمەتكەرلەردىڭ ىس-ارەكەتتەرىنىڭ زاڭدىلىعىن پروكۋرورلار، ودان كەيىن سوت تەكسەرەدى. سول جەردە كەمشىلىك انىقتالىپ، قىزمەتكەرلەرىمىز مىندەتتەرىن دۇرىس اتقارماسا، سوت ۇكىمى شىققاننان كەيىن كەشىرىم سۇراۋعا دايىنبىز"، - دەدى مارات قوجايەۆ.
الايدا مينيستر جۋرناليستتەردىڭ "وسى جاعداي ءۇشىن پوليسيا جۋرناليستەن كەشىرىم سۇراماي ما؟" دەگەن سۇراعىنا ناقتى جاۋاپ بەرە المادى.
"زاڭدا ناقتى جازىلعان: قىلمىستىق ىستەردى تەرگەۋ كەزىندە زاڭ اياسىندا جاسالعان ىس-ارەكەتتەردىڭ ءبارى ازاپتاۋعا جاتپايتىنى جازىلعان"، – دەيدى قوجايەۆ.
پىكىر قالدىرۋ