"ارسەلورميتتال تەمىرتاۋ" اق كومىر دەپارتامەنتىنىڭ "قازاقستان" شاحتاسىنداعى ورتتەن كەيىن جوعالىپ كەتكەن 5 كەنشىنىڭ ەكەۋى ءولى كۇيىندە تابىلدى. ازىرگە قازا تاپقاندار جايلى ناقتى دەرەكتەر جوق. 

ەسكە سالا كەتەيىك، بۇگىن  ارسەلورميتتال تەمىرتاۋ اق-عا قاراستى "قازاقستان" شاحتاسىندا كونۆەيەر تاسپاسى ورتەنىپ، اپات بولدى. بۇعان دەيىن 224 قىزمەتكەر جەر بەتىنە شىعارىلىپ، 3 ادام ءالى قۇتقارىلماعانى بەلگىلى بولعان ەدى. كەيىننەن اپاتقا بايلانىستى قىلمىستىق ءىس قوزعالدى.

قاراعاندى وبلىسى اكىمدىگىنىڭ مالىمەتىنشە، اپات ورنىندا 13 ادام دارىگەرلەرگە  جۇگىنگەن. ولار باس اۋرۋى، جوتەلگە شاعىمدانۋدا. قازىرگى ۋاقىتتا تورتەۋى اۋرۋحاناعا جاتقىزىلدى: ەكەۋى – شاحتينسك ورتالىق اۋرۋحاناسىنا، ەكەۋى – وبلىستىق مەديسينالىق ورتالىققا.