"قازاقستان" شاحتاسىنان ءۇشىنشى شاحتاشىنىڭ دەنەسى تابىلدى. ءقازىر مارقۇمنىڭ جەكە باسىن انىقتاۋ جۇمىستارى ءجۇرىپ جاتىر. بۇل تۋرالى "ارسەلور ميتتال تەمىرتاۋ" حابارلادى.

قايتىس بولعان شاحتاشىلاردىڭ وتباسىنا كومپانيا تاراپىنان كومەك كورسەتىلەتىن بولدى. اتاپ ايتقاندا:

1) جەرلەۋ شىعىندارىن جابۋ؛

2) قايتىس بولعان جۇمىسشىلاردىڭ 10 جىلدىق ەڭبەكاقىسى؛

3) ءاربىر بالاعا اي سايىنعى ساقتاندىرۋ تولەمى؛

4) 23 جاسقا دەيىنگى بالالارعا قاتىستى بارلىق شىعىندار (وقۋ اقىسى)؛

5) تۇرعىن ءۇيى جوقتارعا باسپانا؛

6) تۇرعىن ءۇيى بارلارعا جوندەۋ جۇمىسى؛

7) يپوتەكالىق تولەمدەردى جابۋ؛

8) مارقۇمداردىڭ جۇبايى مەن بالا-شاعاسىن جۇمىسقا ورنالاستىرۋ؛

9) ايەلدەر مەن بالالارعا جىل سايىن ساناتورييگە جولداما.

ەسكە سالا كەتەيىك، 17 تامىزدا شاحتينسك قالاسىنداعى "قازاقستان" كومىر كەنىشىندە ءورت شىعىپ، 222 جۇمىسشى ەۆاكۋاسيالانعان ەدى. 5 شاحتاشى جەر استىندا قالىپ قويعان. كەشەلى بەرى ولاردىڭ ەكەۋىنىڭ جانسىز دەنەسى تابىلدى. قالعان 2 ادام ءالى ىزدەستىرىلىپ جاتىر.